Қошқарды 1 111 рет көтерген жігіт көпті таң қалдырды
Арыс қаласында қала күні мерекесіне орай ұлттық спорт түрлерінен өткен жарыс ішінде көпшіліктің назарын аударғаны "Қошқар көтеру" сайысы болды, деп хабарлайды paryz.kz exk.kz-ке сілтеме жасап.
Фото: видеодан скриншот
Қатысушылар арасында арыстық Азамат Мақұлбеков талайды таң қалдырды.
Ол өзінің мықтылығын дәлелдеп, салмағы 43 келі болатын қошқарды 1 111 рет көтерген.
Азамат Мақұлбеков бас жүлдені иеленіп қана қоймай, Арыс қаласының жаңа рекордын орнатты.
Сондай-ақ ерлерден соң қошқар көтеру кезегін алған Әділ Ақнұр есімді ару қошқарды 64 рет көтеріп, талай жігітті шаңқаптырды.
