Қазақстанда мысығы мен итін адамша жерлеп, басына құлпытас орнататындар көбейген

Жаға ұстатарлық жағдай Маңғыстау облысында болған, деп хабарлайды paryz.kz exk.kz-ке сілтеме жасап.

Фото: видеодан скриншот

Әлеуметтік желіде тараған видеода құмды алқапта орналасқан мысықтың бейіті көрсетілген.

Өлген жануардың иесі оған граниттен арнайы құлпытас дайындатып, суретін салғызып, тіпті "Маркиз" деп атын да жазып қойыпты.

Соған қарағанда "Маркиздің" қожайыны мысығын көзі тірісінде қатты қадірлегенге ұқсайды. Құлпытастың алдыңғы жағы ағаш қоршаумен қоршалып, ішіне мысықтарға арналған ас қойылыпты.