Қостанай облысында жоғалған 5 жасар қызды ерікті көріп қалған

Бес жасар қызды жүгері егістігінен көріп қалған "Регион 10" іздеу-құтқру жасағының еріктісі Анастасия Доможирова. 

"Кеше іздеу жұмыстары кезінде ферма тұрған аймақты айналып өттік. Арғы бетінен шықтық, сол кезде қыз табылғанын айтып, бәрі айғайлап, дыбыстық хабарлама жібере бастады. Арғы бетінен кіргенде қасымда екі адам болған, сол кезде қыз алқаптан жүгіріп өткенін көрдік. Қызға қарай жүгіріп, айғайлай бастадым, себебі бәрі алыс еді, сөйтіп қыз қайтадан жүгері алқабына қарай жүгіріп кетті", - дейді ерікті.  

Сондықтан қызды Жамбыл аулынан 9 шақырым жердегі жүгері алқабынан іздей бастаған. Полиция мәліметінше, қыз әлі іздеуде. Түні бойы іздеу жұмыстары жүрген, жылуға ден қойғыш (тепловизор - еск.) қолданылған. Жалпы аймағы 33 гектар және 10 гектар жүгері және картоп алқабы тексерілді.