Астана
-9.03°C
Астана
-9.03°C
Ұлттық қауіпсіздік комитетінің өкілдері Ақтөбе қаласының әкімі лауазымы үшін әлдекімдердің 1,5 миллион доллар талап еткенін мәлімдеді. Бұл туралы ҰҚК-нің 30 жылдығына орай жарияланған деректі фильмде айтылды, деп жазады Рaryz.kz Stan.kz ақпарат агенттігіне сілтеме жасап.
“Азаматтар қорқынышты ысырып қойып, өздерін лауазымыды шенеуніктердің көмекшісіміз деп таныстыратын болған. Тіпті сол арқылы олар мемлекеттік органда жоғары қызметке орналастыруға уәде беріп, қомақты қаражат талап еткен. Мәселен, Ақтөбе қаласының әкімі лауазымы үшін 1,5 миллион доллар сұраған. Мұндай адамдар 30 миллион теңге аванс алып жатқан жерлерінен ұсталды”, – дейді комитет қызметкерлері.
Айта кетсек, 2022 жылы 13 шілдеде Ұлттық қауіпсіздік комитетінің құрылғанына 30 жыл толды. Осыған орай комитет жұмыс жайлы деректі фильм жарық көрді.
Фильм кейіпкерлері ретінде ҰҚК қызметкерлері өз аумақтарында қызмет ету ерекшеліктері туралы әңгімелейді. Деректі фильмді мына сілтеме бойынша көруге болады.
