Сейітқазы Матаев биліктегі озбырлықты әшкерелемек

"Биліктегі бір дөкейдің Сейітқазы Матаев ағамыздың иелігіндегі “ҚАЗТАГ” халықаралық  агенттігіне көзі түседі. Ол - сұрайды, бұл - бермейді. Бопсалайды - оған көнбейді. Дегені бола қоймаған лауазым иесі диктаторлық жүйе саяси күрескерлер мен адал бизнесмендерге қарсы кеңінен қолданылатын қазақстандық “ноу-хау” тәсілді іске қосады:
Компанияға тексеріс жібереді, бухгалтериядан бір “изьян” табады. Сөйтіп Сейітқазы   Матаев пен ұлы Әсеттің үстінен қылмыстық іс қозғап, біреуін 6, екіншісін 9 жылға  соттатып жібереді. 

Кейінен бұл іс қоғамда кең резонанс туғызып, әкелі-балалы екеуіне күллі қоғам араша түскен соң, қылмыскер жүйе “аяғын тартып” , Матаевтарды мерзімінен бұрын шартты түрде түрмеден босатқаны естеріңізде шығар. 

Бүгін ақжолтай хабарды есітіп қуанып отырмын. Матаевтар өздеріне қарсы қозғалған қылмыстық істің “тапсырыс” екенін, сот шешімінің әділетсіз екенін және 
өздерінің ақ-адал екенін дәлелдемек болып,  істі қайта қарау үшін бүгін Жоғарғы Сотқа арыз түсіріпті. Ардақты  ұстазымыз Сейітқазы Матаев пен ұлы  Әсет  толық ақталып шығуға үміт бар.Бұл -  тағдыры қорланған бір ғана отбасының мысалы. Ал жемқор жүйенің қиянатын көріп, өмірі өксіп өткен біз білмейтін тағдырлар қаншама…"- деп жазады журналист Дина Елгезек Facebook -тағы жеке парақшасында.

Комментарийлерде бұның нақты өзгерістердің нышаны екендігі, енді әділетсіз үкім шығарған сот пен қолдарындағы билікті шексіз мүмкіндікке ұластырған шенеунікті жауапқа тарту керектігі жазылуда.