"Мемлекет үшін тиімсіз": Министр Қазақстанға "Яндекс.Таксидің" баламасын жасау үшін не кедергі екенін айтты
Цифрландыру, инновация және аэроғарыш өнеркәсібі министрі Бағдат Мусин "Яндекс.Таксидің" баламасын жасау үшін Қазақстанға не кедергі екенін айтты, деп хабарлайды Рaryz.kz Stan.kz ақпарат агенттігіне сілтеме жасап.
ашық дерек көздерінен
Министрдің айтуынша, қазір Қазақстанға "Яндекс" секілді жоба жасау тиімсіз.
"Естеріңізде болса, бізде Didi такси жобасы болды. Алайда нарықта қала алмады, Қытайда қанша ақша болғанымен, "Яндекспен" бәсекеге түсе алмады. Миллиардтаған доллар қажет. Бұл үшін венчурлық инвесторлар салым жасау керек", – деді ол.
Бағдат Мусин Қазақстан үшін жеке цифрлық такси жобасын жасаудың тиімсіз екенін мәлімдеді. Сонымен қатар мемлекет цифрлық жоба жасауға ниетті кәсіпкерлер үшін салық жеңілдіктерін ұйымдастыруы керек.
