Прямая трансляция

Астана

Астана

-18.03°C

Нұртөре Жүсіп WhatsApp-та референдумға қатысты тарап жатқан ақпаратқа түсініктеме берді

Қазір әлеуметтік желілер мен мессенджерлерде референдумда қазақ тілінде жазылған бюллетеньді толтыруға шақыратын ақпарат тарап жатыр, деп хабарлайды Paryz.kz, Halyk-uni.kz-ке сілтеме жасап. 

Нұртөре Жүсіп WhatsApp-та референдумға қатысты тарап жатқан ақпаратқа түсініктеме берді

 Бюллетеньдерге қарап, елдің қазақтілді және орыстілді халқының пайызы есептеледі-делінген. 

Сенатор Нұртөре Жүсіп Facebook-тегі парақшасында бұл ақпараттың шындыққа жанаспайтынын жазды.

«Әлеуметтік желіде референдумға берілген жауапты екі тілде санайды екен деген ақпарат желдей есіп жүр.

Бұл түбірімен дұрыс емес! Азаматтар өз құқығын білуі тиіс. Референдум туралы Заңға сәйкес парақша екі тілде толтырылады. Сондықтан жалған хабарламаға ермеуді сұраймыз!

Орайы келіп тұрғанда, барлық Қазақстан азаматын 5 маусым күнгі референдумға бір кісідей қатысып, алдағы үлкен өзгерістер үшін дауыс беруге шақырамын», – деді Нұртөре Жүсіп.

Бұған дейін Орталық сайлау комиссиясы референдум барысында бюллетеньдерді қалай толтыру керектігін түсіндірген болатын. Бюллетень екі тілде бірдей жазылған. Онда Конституцияға ұсынылған түзетулермен келісуге немесе келіспеуге қатысты жалғыз ғана сұрақ бар. Жауап екеу: «иә» немесе «жоқ».