Астана
-13.03°C
Астана
-13.03°C
Өскемен қаласында 32 жастағы ер адамның үйінен 4 тапанша мен 150 оқ табылды, деп хабарлайды Paryz.kz, Nur.kz-ке сілтеме жасап.
ШҚО полиция департаменті баспасөз қызметінің мәліметіне сүйенсек, тәртіп сақшылары "Қару" жедел алдын алу шарасы барысында атыс қарулары мен оқ-дәрілерді заңсыз сақтаған 32 жастағы Өскемен тұрғынын ұстады.
"Ер адамның үйін тінту барысында полицейлер "МР-79-8" және "WALTHER" маркалы газ тапаншаларын, "МР-654К" үлгісіндегі өздігінен оқталатын пневматикалық тапаншаны және "СПШ 44" үлгісіндегі сигналдық тапаншаны тапты. Сондай-ақ 150-ден астам оқ-дәрі тәркіленді. Бұл оқтар атуға жарамды болып шықты", - делінген хабарламада. Аталған факті бойынша Қылмыстық кодекстің 287-бабы 3-бөлігіне (Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, сақтау, тасымалдау немесе алып жүру) сәйкес сотқа дейінгі тергеу амалдары басталды.
