Астана
-6.03°C
Астана
-6.03°C
Қарағанды облысындағы Саран қаласының әкімі Ержан Темірханов әлеуметтік желідегі белсенділігімен көптің көзіне түсті. Ол ТikTok арқылы өзінің күнделікті жұмысы мен жеке өмірін ұштастырып жүр, деп хабарлайды Paryz.kz, Экспресс К.-ға сілтеме жасап.
Ержан Темірханов әлеуметтік желідегі парақшасы арқылы жазылушыларына ақыл-кеңесін де береді. Мысалы, бір бейнежазбасында ол жұртшылықты жігерлендіру үшін адам баласы 5 қасиетті бойына сіңіру керектігін айтқан.
Саран қаласы әкімінің парақшасында мұнан бөлек өзінің таңғы жұмысын халқының мақтау пікірлерімен бастаған бейнежазбасы да бар. Сондай-ақ, бірнеше тұрғынның жазбаша сұрағына жауап бергенін де көруге болады.
Әкімнің әлеуметтік парақшасындағы әрекетіне ғана емес, киген киімі мен қолындағы дүниесіне де қызығушылық танытатындар табылып жатыр. Сондай жеке затына тілшілер де тереңдеген. Яғни өзінің 5 сүйікті ісінің бірі — спортқа жиі қолданатын велосипедінің бағасын анықтапты. Нарықта әкімнің "шайтанарбасы" 7,5 мың долларға сатылуда. Қазіргі курспен есептесек, бұл — 3 миллион 300 мың теңгенің айналасы.
Дегенмен де, әкімге қолдау білдіріп "фанаттарына" айналған желі қолданушылары аз емес.
