Астана
-6.03°C
Астана
-6.03°C
Шымкенттегі балабақшалардың бірінен кішкентай бүлдіршін қашып кеткен, деп хабарлайды Paryz.kz, Stan.kz-ке сілтеме жасап.
Оны іздеуге полиция қызметкерлері жұмылдырылған. Ақырында бала табылып, мекеменің бес қызметкері сөгіс алды.
Қалалық білім беру басқармасының хабарлауынша, оқиға 1 наурыз күні №60 "Тараз" мемлекеттік балабақшасында болған.
"Тәрбиеші баланы "Жұлдыз" тобынан әжесіне қарсы алып шыққан. Бірақ бала қашып кетті. Бүлдіршіннің басқаларға байқатпастан, балабақша сыртына қалай шығып кеткені белгісіз", - деп хабарлайды басылым.
Білім беру басқармасындағылардың хабарлауынша, бала жарты сағатта табылған. Оны іздеуге полицейлер жұмылдырылған.
Осы оқиғадан кейін, балабақша әдіскері, тәрбиеші, кезекші тәрбиеші мен күзетші қатаң сөгіс алды. Сондай-ақ, мекеме меңгерушісі де сөгіс алып, жауапкершілікке тартылды.
