730 бала оқитын мектеп қабырғасы сетінеп қирауда

Алдағы 2024 жылы ұлы суретші Әбілхан Қастеевтің туғанына 120 жыл болады. Ал қылқалам шеберінің алтын бесігі Панфилов ауданы Алтыүй ауылындағы Ә.Қастеев атындағы мектептің жағдайы жан аярлық, деп хабарлайды Paryz.kz, Turkystan.kz-ке сілтеме жасап.

Сурет: Turkystan.kz

Бұл туралы Алматы облысында іс-сапарда жүрген Парламент Мәжілісінің депутаты Жанарбек Әжімжан айтты.

–Ауыл тұрғындарының өтініші бойынша мектептің жағдайымен арнайы барып таныстық. Ашығын айту керек, білім ошағының бүгінгі жай-күйі адам аярлық… Бұл ауылға жаңа мектеп салу керек. Қолданыстағы 730 бала оқитын мектеп қабырғасы сетінеп қираудың аз-ақ алдында тұр. Шәкірттер «тас дәуіріндегі» партада отыр, – деді ол.

Депутат осы проблеманы бақылауда алатынын айтты.