Павлодарда баланы бөксесінен ұрған тәрбиеші жауапқа тартылды

Кішкентай бала ата-анасына тәрбиеші ұратындығын айтып, балабақшаға барудан бас тартқан. Баланың анасы балабақша басшылығына хабарласып, бейнебақылау камераларының жазбаларын қарауды сұрайды. Видеоны қарап отырып, әйел жас тәрбиешінің үш жасар ұлын қалай ұрғанын көреді.

2022 жылдың 4 ақпанында балабақша тәрбиешісі жұмыс орнында жүргенде жас баланың бөксесіне екі рет алақанын тигізгені анықталды. Сот отырысы барысында тәрбиеші өз кінәсін толық мойындап, жәбірленушінің анасынан кешірім сұрады. Бірақ әйел ұлының құқық бұзушысына қарсы тұрудан бас тартты, – деп жазылған соттың хабарламасында.

Сот тәрбиешіні ҚР әкiмшiлiк құқық бұзушылық үшiн жауаптылық туралы кодекстің 73-2-бабының 1-бөлігі («дене жарақатын алған, бірақ денсаулыққа жеңіл зиян келтіруге әкеп соқпаған ұрып-соғу немесе өзге де күш қолдану әрекеттерін жасау») бойынша кінәлі деп танып, оған 30 630 теңге айыппұл түріндегі жаза тағайындады. Бұл аталмыш бап бойынша тағайындалуы мүмкін максималды сома.

Сот қаулысы әлі заңды күшіне енген жоқ.