Тоқаев Туды балконға ілуге рұқсат беруді қолдады

Қазақстан Республикасының Президенті Қасым-Жомарт Тоқаев бірқатар депутаттардың ұсынысын қолдап, мемлекеттік туды балконға ілуге рұқсат беруді ұсынды, деп хабарлады paryz.kz.

"Парламенттің бірқатар депутаттары мен патриот азаматтардың еліміздің мемлекеттік рәміздерін, атап айтқанда, ҚР мемлекеттік туын кеңінен қолдану туралы ұсынысын қолдаймын", – деп жазды Президент Твиттердегі парақшасында.

Қолданыстағы заңнамада туымызды пәтерлердің балконына немесе үйлердің қабырғасына ілуге тыйым салынған.

"Қолданыстағы заңнамада туымызды пайдалануға қатысты шектеулер бар. Мысалы, пәтерлердің балконына немесе үйлердің қабырғасына ту ілуге тыйым салынған. Заңнамалық және нормативтік актілерді, ең алдымен, Мемлекеттік рәміздерді пайдалану қағидаларын қайта қарау қажет", – деп жазды Тоқаев.