Қостанайда саяжайда болған өрттен 4 баланы құтқарған оқушыға көлік кілті табысталды

Қостанайда саяжайдағы үйден шыққан өрттен балалардың өмірін сақтап қалған Олег Пирогқа темір тұлпар табыс етілді, деп хабарлайды Paryz.kz, облыс әкімінің баспасөз қызметіне сілтеме жасап. 

Мемлекет басшысы мектеп оқушысына ерлігі мен батылдығы үшін алғыс білдірген.

Осындай жас бола отырып, сен нағыз зор ерлік жасадың, үлкен оқиғаға батқан балаларға батылдықпен және ойланбастан көмекке келдің, үлкен қайғы-қасіретке жол бермедің, - деп жазды Президент.

Сонымен қатар Олег Пирог Төтенше жағдайлар министрлігінің "Өртте көрсеткен қайсарлығы үшін" медалімен, ал Валентина Пирог ҚР ТЖМ-нің Алғыс хатымен марапатталды.

"Allur" компаниялар тобы Мемлекет басшысының үндеуін қолдап, жас қаһарманға отандық Chevrolet Nexia автомобилін табыс етті.

"Allur" компаниясы Мемлекет басшысының үндеуін толық қолдайды! Қазақ жері әрдайым ұлы батырлармен даңққа бөленеді және осындай баланың өз басымен жасаған ісі – нағыз ерлік, таңдануға тұрарлық және сөзсіз, бәріміз үшін үлгі, - деді "Allur" КТ" АҚ директорлар кеңесінің төрағасы Андрей Лаврентьев.

А.Лаврентьев бұл сыйлық Олег Пирогтың ерлік әрекетін жоғары бағалаған кәсіпорынның барлық қызметкерінің атынан екенін атап өтті.