Ресейлік танымал блогер Гусейн Гасанов Lamborgini көлігінің кілтін алматылық аруға табыстады

Ресейлік танымал блогер Гусейн Гасанов оқырмандары арасында ойнатқан Lamborgini көлігінің кілтін алматылық Айгерім есімді жазылушысына табыстады. Көлік иегері автокөлікті сататынын айтты деп хабарлайды Paryz.kz, Stan.kz-ке сілтеме жасап.

Алматылық қыз өз жүлдесін алу үшін Мәскеуге ұшып барған. Видеода блогер жеңімпаздың көзін жауып, Lamborgini көлігінің алдына апарған. Ару бақыттан көз жасын жасыра алмады.

Видеоның толық нұсқасында жеңімпазға көлікті Қазақстанға алып кету мен сату шешімінің қайсысын таңдайтыны сұралған. Сыйлық иегері көлікті сататынын айтты.

Одан кейін салтанатты-іс шараның куәгерлері көлікті Қазақстан туымен жауып, қазақы дәстүрмен шашу шашты. 

Естеріңізге сала кетейік, бір апта бұрын Ресейлік блогер Гусейн Гасанов тікелей эфирде автокөлік ұтыс ойынының жеңімпазын жариялады. Ол Әйгерім есімді Алматы тұрғыны болып шықты.