Алматыда көмек сұрап келген әйелді әкімдік "мешітке бар" деп қуып жіберген

Әлеуметтік көмекке күні қарап отырған алты баланың анасы ай сайынғы төлем кешіккен соң жалдамалы пәтердің ақысын төлей алмаған.

фото: дереккөз

Көмек сұрап келген көпбалалы ананы Алматының Қарасай аудандық әкімдігі "Мешіттен жәрдем тіле" деп шығарып салыпты деп хабарлайды Zakon.kz.

Әлеуметтік көмекке күні қарап отырған алты баланың анасы ай сайынғы төлем кешіккен соң жалдамалы пәтердің ақысын төлей алмаған. Ал үй иесі ақшаны адамдықтан артық көрсе керек, шұбырған бала-шағасына қарамастан қыстың көзі қырауда оларды далаға қуып шыққан көрінеді.

Мейлі, ол пендешілік болар, ал қолдау сұрап келгендерді құлшылық үйіне қарата қайырған қай басшы?