Түркістан облысында Сарыағаш ауданы қаржы бөлімінің бас маманы жергілікті тұрғыннан 350 мың теңге көлемінде пара алған. Бұл туралы онлайн брифингте Сыбайлас жемқорлыққа қарсы іс-қимыл агенттігінің Стратегия және жедел басқару департаментінің басшысы Нұрлан Жақсымбетов айтты, деп хабарлады paryz.kz.
"Түркістан облысында Сарыағаш ауданы қаржы бөлімінің бас маманы Қараманов сотталды. Ол "Дипломмен - ауылға" мемлекеттік бағдарламасы бойынша тұрғын үй сатып алуға ақша қаражатын бөлу туралы оң қорытынды шығарғаны үшін жергілікті тұрғыннан 350 мың теңге көлемінде пара алды", - дейді Сыбайлас жемқорлыққа қарсы қызметтің Стратегия және жедел басқару департаментінің басшысы Нұрлан Жақсымбетов.