Павлодар облысының бұрынғы әкімі Болат Бақауов сотқа жазған өтінішінен бас тартты

Павлодардың №2 қылмыстық сотында Павлодар облысының бұрынғы әкімі Болат Бақауовтың шартты түрде мерзімінен бұрын босату туралы өтініші қаралды деп хабарлайды Paryz.kz. 

Бірақ сот отырысы басталмас бұрын Бақауов мерзімінен бұрын босату туралы өтінішхатын қайтарып алғаны белгілі болды. Сот Бақауовтың бұл өтінішін қанағаттандырды. Алайда өтінішті қайтарып алу себебі хабарланбады.

Еске салайық, Болат Бақауов 2020 жылы 16 қаңтарда қызметтік өкілеттігін асыра пайдаланды деген күдікпен ұсталған болатын. Кейінірек сотта Павлодар облысының бұрынғы әкімінің қандай күдікке ілінгені белгілі болды. Бұл іс оның туысының салық төлеуден жалтаруына қатысты болып шықты. Тергеу бірнеше ай бойы жүргізілді. Бастапқыда олар қамауға алу түріндегі бұлтартпау шарасын таңдады, біраз уақыттан кейін ол үйқамаққа ауыстырылды. 

Бұрынғы әкім кінәсі толық мойындалып, лауазымын асыра пайдаланғаны үшін 3 жыл 6 ай бас бостандығын шектеу жазасын алды.