Операторларға сапасыз байланыс үшін айыппұлдар 10 есе артуы мүмкін

Егер ҚР Әкімшілік құқық бұзушылық туралы кодексіне (ӘҚБтК) түзетулер қабылданса, операторларға сапасыз байланыс үшін айыппұлдар 10 есе артуы мүмкін. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин айтты деп хабарлайды Paryz.kz.

ӘҚБтК-не байланыс операторларына сапасыз қызмет көрсеткені үшін айыппұлдарды 100 АЕК-тен 1000 АЕК-ке дейін арттыру бойынша түзетулер енгізілді, - деді ол Мәжілістегі Үкімет сағатында.

Сондай-ақ, министрдің айтуынша, байланыс сапасын бақылау аясында ұялы байланыс операторлары сапасыз қызмет көрсеткен жағдайда әкімшілік жауапкершілікке тартылады.

2021 жылдың басынан бері 408 тексеру жүргізіліп, 92,1 млн теңге айыппұл салынды деп нақтылады министр.

Қазақстанның 6459 елді мекенінің 5214 ауылы, 88 қаласы және 30 қала үлгісіндегі кенті интернетке кеңжолақты қолжетімділікпен қамтамасыз етілген. Байланыс қызметтері сапасының ең төменгі параметрлері - 3G – 1 МБ/сек және 4G – 1 МБ/сек, тіркелген интернет үшін – тарифтің көрсетілген жылдамдығынан кемінде 70% бекітілді. Ауылдарда интернет сапасына қатысты проблемалар анықталды, бірақ қазір FWA технологиясын 3G/4G – ге ауыстыру және 2G-ді 3G/4G-ге ауыстыру жүріп жатыр. 127 мың халқы бар 1178 ауыл мобильді КЖҚ-мен қамтылмаған. Оның ішінде 561 АЕМ 2024 жылға дейінгі кезеңде салық жеңілдіктері есебінен байланыс операторларымен КЖҚ қамтамасыз етіледі, деп атап өтті министр.

Бұдан басқа, Қазақстанда байланыс операторларының жұмыс істеп тұрған желілерін функционалдық толықтыру ретінде геостационарлық емес спутниктік жүйелерді (ГЕСЖ) өрістету жоспарланып отыр, бұл оларға қамту аймағын кеңейтуге және халық үшін интернетке кең жолақты қолжетімділік қызметтерін қамтамасыз етуге мүмкіндік береді деп толықтырды Мусин.