ШҚО-да 58 оқушы коронавирус жұқтырды
Вирус Глубокое ауданында ең көп тіркелген.
Шығыс Қазақстан облысында коронавирус жұқтырған оқушылардың саны артты, деп хабарлады paryz.kz.
"11 қазандағы соңғы мәліметтер бойынша, 58 оқушының коронавирус жұқтырғаны расталды. Олардың 34-і кезекші топқа барған, 24-і қашықтан оқыған", - деді Шығыс Қазақстан облысының Тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметіндегілер.
Оқушылар арасында індет жұқтырғандардың көбі Риддер және Алтай қаласында 11 адамнан тіркелген. Сондай-ақ, Глубокое ауданында 10 оқушы ауырып қалған.
Өскеменде 8 бала жұқтырған, оның алтауы қашықтан оқыған. Семейдегі 7 баланың біреуі қашықтан оқыған. Курчатов қаласында инфекция жұқтырған 2 бала да кезекші топта болған.
"Егер аудандарды алып қарасақ, онда балалардың көбі Глубокое ауданында - 10 оқушы, Көкпектіде - 10 бала, сондай-ақ, Шемонаихада - 2 оқушы, Күршім және Қатон Қарағайда - бір баладан жұқтырған. Ауырып қалғандардың көбі қашықтан оқыған", - деді ведомствоның баспасөз қызметіндегілер.
