Оралда жылу беріле бастады

«Жайықжылуқуат» АҚ-ның бас директорының орынбасары Бекболат Қамешовтың айтуынша, әзірге жылу беретін кәсіпорын өтініштер бойынша жұмыстануда. Тұрғын үйлерге үш күн қатарынан ауа-райы +8 градустан  төмен болғанда, жылуға қосылады.

Шаһарда 1206 үй бар, оның барлығы  қысқы жылыту маусымына дайындықтан өтті. Енді олар дайындық құжаттарын алулары тиіс.

«Жайықжылуқуат» кәсіпорны қысқа дайындық жұмыстарын уақтылы жүргізді. Жылу қуат орталығындағы жылыту қазандықтары ауыстырылды, бірқатар жабдық жөнделді. Қаладағы бөлек тұрған қазандықтар да дайын тұр. Көктемде және күз түсе жылу құбыр жүйесі гидравликалық сынақтардан өткізілді. Сол сынақтар кезінде жарылған құбыр бөліктері түгелдей ауыстырылды. Биыл жалпы 6008 шақырым жылу құбыры жаңаланды. Алдағы жылыту маусымына жақсы дайындықпен кіргелі отырмыз, - деді Бекболат Қамешов.\

Жұбан МҰРАТ