Алты облыста ауа райына байланысты ескерту жарияланды
Шығыс Қазақстан облысының кей жерінде жаяу бұрқасын, тұман, көктайғақ күтіледі.
Алты облыс аумағында ауа райына байланысты ескерту жарияланды, деп хабарлады paryz.kz, Қазгидрометке сілтеме жасап.
9 қазанда түнде Қарағанды облысының кей жеріне тұман түседі, көктайғақ болуы мүмкін. Жел солтүстік-шығыстан оңтүстік-батысқа ауысады, күші кей жерінде 15-20 м/с-ке жетеді.
9 қазанда күндіз, 10 қазанда тәулік бойы Солтүстік Қазақстан облысының кей жеріне тұман түседі, көктайғақ болады. Батыстан, оңтүстік-батыстан жел соғады, күші 15-20 м/с-ке жетеді.
9 қазанда күндіз, 10 қазанда тәулік бойы Петропавлда батыстан, оңтүстік-батыстан жел соғады, екпіні 15-20 м/с-ке жетеді.
9 қазанда түнде және таңертең Ақмола облысының кей жеріне тұман түседі.
9 қазанда Шығыс Қазақстан облысының кей жерінде жаяу бұрқасын, тұман, көктайғақ күтіледі. Солтүстіктен, солтүстік-батыстан жел соғады, күші кей жерде 15-20 м/с күтіледі.
9 қазан түнде Қызылорда облысының солтүстігінде 3 градус үсік жүреді. Солтүстіктен, солтүстік-шығыстан жел соғады, күші кей жерде 15-20 м/с-ке жетеді.
9 қазанда Түркістан облысының кей жеріне түнде тұман түсуі ықтимал. Солтүстік-шығыстан соғатын желдің күші кей жерде 15-20 м/с-ке жетеді. Түнде кей жерде 3 градус үсік жүреді.
9 қазанда түнде Шымкентте топырақ бетінде 2 градус үсік жүреді. Түркістан қаласында 9 қазанда күндіз солтүстік-шығыстан екпіні 15-20 м/с күшті жел соғады. Түнде 1-3 градус суық болады.
