"Қазатомөнеркәсіп" АҚ басшысы қызметінен кетейін деп жатыр

Ғалымжан Пірматов "Қазатомөнеркәсіп" ҰАК" АҚ басқарма төрағасы қызметінен өз еркімен кетеді деп хабарлайды Paryz.kz. 

Компания мәліметіне қарағанда, Ғалымжан Пірматов 2 қыркүйекте қызметінен кетеді. Басқарма төрағасы міндетін Мәжит Шәріпов атқарады.

Мен ел басшылығына сенім білдіргені және компанияны тиімді басқаруға мүмкіндік бергені үшін зор алғысымды білдіремін. "Қазатомөнеркәсіпті" компания үшін ғана емес, бүкіл әлемдік уран саласы үшін де осындай күрделі уақытта басқару - мен үшін үлкен мәртебе әрі артықшылық болды. Мен жұмыс істеу мәртебесіне ие болған "Қазатомөнеркәсіптің" бүкіл ұжымына алғыс айтамын. Осы төрт жыл ішінде қол жеткізген жетістіктерімізді мақтан тұтамын... - деді Пірматов.

2015 жылдан бастап "Қазатомөнеркәсіпте" түрлі лауазымдарды атқарған және қазіргі уақытта ЯОЦ бойынша бас директор Мәжит Шәріпов мемлекеттік қызметте және жеке секторда түрлі лауазымдарда, оның ішінде энергетика және минералдық ресурстар министрлігінің Ядролық энергетика және атом өнеркәсібі департаментінің директоры, Атом энергиясы агенттігінің Атом энергетикасы және өнеркәсібі департаментінің директоры және Атом энергиясы комитетінің төрағасы лауазымдарында 31 жылдан аса жұмыс істеген.

Ол 1972 жылы 24 сәуірде Түркістан облысында дүниеге келген. Новосибирск мемлекеттік университетін, Қазақстан экономика және болжау менеджменті институтын және Atkinson Graduate School of Management, Willamette University (MBA бағдарламасы бойынша) бітірген.

Әр жылдары "Алтын-Тас" БК, "AES КиевОблЭнерго", "AES Украина", "Халық Банкі" АҚ-та жұмыс істеген. Экономика және бюджеттік жоспарлау вице-министрі болды. 2009 жылдан 2011 жылға дейін "Қазатомөнеркәсіп" ҰАК" АҚ Экономика және қаржы жөніндегі вице-президенті қызметін атқарды.

Еске сала кетсек, Ғалымжан Пірматов 2017 жылдың тамызынан бері "Қазатомөнеркәсіп" ҰАК" АҚ басшысы болып қызмет атқарды.