Елімізде енді күріш қымбаттауы мүмкін

Қызылорда облысының шаруашылықтарында құрғақшылық пен судың аздығынан күріш егіндіктері азаюда. Бұдан бөлек әлеуметтік маңызы бар өнімнің өндірістік шығындары да өсіп келеді деп хабарлайды Paryz.kz, "Хабар 24" телеарнасына сілтеме жасап.

Қызылордалық күріш егушілер биыл күріштен түсім жоспарланғаннан аз болатынын, ал оның құны қымбаттайтынын мәлімдейді. 2021 жылы облыстағы 550 күріш өсіретін шаруашылықтар 83 мың гектарға жуық жер бөлген, бұл 2020 жылға қарағанда 6 600 гектарға аз. 

Сонымен қатар тыңайтқыштар, техниканың қосалқы бөлшектері мен жанармай бағасы да өскен.

Қармақшы өңіріндегі ең ірі шаруа қожалықтарының бірі биыл судың жетіспеуінен күріш егілетін алқаптарды төрттен біріне қысқартуға мәжбүр болды. Суармалы судың тапшылығына байланысты тағы 70 гектар жер кеуіп қалған.

Біз күріштің нақты бағасы 400 теңге болуы керек деп есептейміз. Өнімнің нарықтағы бағасы күрт өскен. Судың жоқтығынан егіс алқабын қысқартып келе жатқанымзға бірнеше жыл болды. Егін алқаптарын сумен қамтамасыз ету үшін қымбат сорғылар сатып алынды. Суару каналдары тазартылды. Бізде 270 адам жұмыс істейді, ал маусым кезінде 300-ге дейін адам жұмыспен қамтылады. Барлығының жалақыларын уақытында төлеуі керек, - дейді серіктестіктің бас маманы Сәбит Прманов.

Күріш 19 әлеуметтік маңызы бар тауарлардың тізіміне енеді. Баға шегін мемлекет белгілейді. Үшінші тоқсанда ол 275 теңгені құраған. Соған қарамастан, нарықта орташа есеппен 220 келі астық сатылады.