"Маусым айында құрғақшылық болады": Синоптиктер дабыл қақты

Синоптиктердің болжауынша, маусым айында құрғақшылық болуы мүмкін деп хабарлайды Paryz.kz. 

"Қазгидромет" мамандары Қазақстан территориясының басым аумағындағы ылғалдылық статистикалық болжамына сәйкес, маусым айында ылғал жеткіліксіз болады деп болжайды.

Ақмола (Жақсын ауданы), Ақтөбе (Әйтеке би, Хромтау аудандары), ШҚО (Бесқарағай ауданы) және Маңғыстау облысында (Қарақия ауданы) қатты құрғақшылық күтіледі. Шығыс Қазақстан облысының Абай ауданында және Қостанай облысының Амангелді ауданында қатты құрғақшылық болады деп болжанады, - деп хабарлады "Қазгидромет" РМК.