Қосшыда балалар мінген шағын автобус апатқа ұшырады

Ақмола облыстық Полиция департаменті баспасөз қызметінің мәліметінше, жол апаты 2025 жылдың 9 сәуірінде болған.

- Таңертеңгі сағат 7-лер шамасында Қосшы қалалық полиция бөліміне «Лесная поляна» тұрғын алабындағы №2 үйдің жанында жол-көлік оқиғасы болғаны туралы ақпарат келіп түсті, алдын ала мәлімет бойынша, онда жас балалар зардап шеккен болуы мүмкін. Полиция қызметкерлері дереу оқиға орнына шықты, - деп хабарлады ведомство.

Алдын ала мәлімет бойынша, жергілікті дүкендердің бірінің жанында «Ивеко» автобусы мен «Тойота» шағын автобусы соқтығысқан. 

«Тойота» шағын автобусы инерциямен автобус павильонына соғылған. Шағын автобуста балабақшаға шыққан барлығы 10 бала болды. Полицияның мәліметінше, олардың жетеуі тексеру үшін Астанадағы ауруханаға жеткізілген.  Фото: Ақмола облысы ПД - Оқиға орнында апаттың нақты мән-жайын және кінәлілерді анықтау үшін барлық қажетті шара қабылданып жатыр, - деп қосты ведомство.

Барлық бала мамандардың кешенді тексеруінен, сонымен қатар рентген, томография және УДЗ өтті. Астана қалалық қоғамдық Денсаулық сақтау басқармасының хабарлауынша, Қосшы қаласындағы «Лесная поляна» тұрғын алабында «Аңыз» дүкеніне қарама-қарсы жерде болған жол-көлік оқиғасы салдарынан бес бала №2 қалалық көпсалалы балалар ауруханасына жеткізілді. Барлық науқас кешенді тексеруден өтті, оның ішінде кезекші мамандар: реаниматолог, нейрохирург, травматолог және хирург тексеруінен өтті.

 - Медициналық тексерудің қорытындысы бойынша төрт балаға қажетті көмек көрсетіліп, амбулаторлық емдеуге жіберілді. Бір бала одан әрі бақылау үшін жансақтау бөліміне жатқызылды, - деп хабарлады ведомство. Дәрігерлер зардап шеккендердің жағдайын бақылауды жалғастырып жатыр.