Астана
11°C
Астана
11°C
Түркістан облысында Беларусь туристерінен ақша талап еткен полицейлер жұмыстан қуылды. Бұл туралы ішкі істер министрінің орынбасары Игорь Лепеха мәлімдеді, деп хабарлайды paryz.kz.
Күні кеше әлеуметтік желіде Беларусьтен келген туристердің видео тарады. Олардың айтуынша, Шымкент-Самара тасжолында полицейлер қазақстандық техникалық байқаудың жоқтығын сылтауратып, 200 мың теңге талап еткен.
Ішкі істер министрінің орынбасары Игорь Лепеханың айтуынша, видеодағы полицейлердің бәрі жұмыстан қуылды.
"Қазіргі кезде біз тексерісті бастап кеттік. Қылмыстық іс қозғалды. Ол қызметкерлер бүгінде жұмыстан шығарылды", - деді Лепеха журналистерге берген сұхбатында.
Ал облыстық полицияның ақпаратына сәйкес, туристерден ресми шағым түспеген. Көліктің тіркеу нөмірі де анықталмады. Соған қарамастан қылмыстық іс қозғалып, тиісті бөлімше басшылығына қатысты қызметтік тексеріс басталды.
