Астана
16°C
Астана
16°C
Қазақстанға ресми сапармен келген Словения президенті Наташа Пирц-Мусар Ақордаға келді. Оны кірберістен президент Қасым-Жомарт Тоқаев күтіп алды, деп хабарлайды paryz.kz.
Екі ел президенті алдымен бір-біріне өз делегацияларын таныстырды.
Одан кейін құрметті қарауыл сап түзеп, Қазақстан мен Словенияның әнұрандары шырқалды.
Ақордадағы келіссөз кезінде сауда-экономикалық, инвестициялық, көлік және мәдени-гуманитарлық салалардағы өзара ынтымақтастықтың негізгі мәселелері талқыланады. Бүгінде Словения экожүйелерді қорғау және орнықты даму бастамаларын белсенді түрде ілгерілетіп келеді.
"Бұл сапар екіжақты қарым-қатынасты арттыруға, соның ішінде экология, экономика және гуманитарлық бастамаларды нығайтуға тың мүмкіндік береді", - делінген Ақорданың ресми хабарламасында.
Словения президентінің сапары 1 сәуірге дейін жалғасады. Қазақстан-Словения бизнес-форумы да ұйымдастырылады.
