Астана
-13.03°C
Астана
-13.03°C
Түркістан облысында полиция шәйнектің ішінен синтетикалық есірткі тапты, деп хабарлайды paryz.kz.
Биыл қаңтарда 102 нөміріне такси жүргізушісі қоңырау шалып, күмәнді зат туралы айтқан.
Шымкентте белгісіз ер адам оған сәлемдеме беріп, оны Түркістанда бір қыздың күтіп алатынын жеткізген.
Жүргізуші басқа жолаушыларды түсіріп жатқанда сәлемдемені (электр шәйнек) жерге құлатып алған. Оның ішінен синтетикалық есірткі салынған екі орам шыққан. Ер адам дереу полицияға хабарласып, мән-жайды түсіндірген.
Жедел іс-шара барысында полиция сәлемдемені алмақ болған жас қызды ұстады. Тергеу барысында ол есірткіні өзі пайдаланбақ болғанын мойындады. Қыздың үстінен қылмыстық іс қозғалып, сот шешімімен жауапқа тартылды.
