Астана
-10.03°C
Астана
-10.03°C
Мемлекет басшысы Қасым-Жомарт Тоқаев Елордада Ұжымдық Қауіпсіздік туралы шарт ұйымы Ұжымдық қауіпсіздік кеңесі сессиясының отырысында қандай мәселелерді талқылағанын айтты.
«Жаңа ғана отырысқа қатысушылар шағын құраммен халықаралық және өңірлік қауіпсіздіктің өзекті мәселелері туралы жан-жақты пікір алмасты. Биыл Қазақстанның төрағалығымен ҰҚШҰ қызметінің негізгі қорытындылары талқыланды. Кездесу қорытындысы біздің ұжымдық қауіпсіздікке төнуі мүмкін сын-тәуекелдер мен қауіп-қатердің алдын алу үшін бірлесіп әрекет етуге дайын екендігімізді тағы да растады», - деді Президент Ұжымдық қауіпсіздік кеңесінің кеңейтілген құрамындағы отырысында.
Мемлекет басшысының айтуынша, кеңес мүшелері талқылау кезінде халықаралық күн тәртібіндегі өзекті мәселелер бойынша ұстанымдарды пысықтаған.
«Біздің қазіргі ахуалды жалпы бағалауымыз және ҰҚШҰ-ның одан әрі дамуы туралы пайымымыз Қазақстанның бастамасы бойынша әзірленген Ұжымдық Қауіпсіздік Кеңесінің декларациясында көрсетілген», - деді Қасым-Жомарт Тоқаев. Президент бүгінгі басқосуда екінші дүниежүзілік соғыстың аяқталғанына 80 жыл толуын атап өту мәселесіне ерекше назар аударылғанын айтты.
