Астана
-6.03°C
Астана
-6.03°C
Астанада жолаушылардың 30-40%-ы жолақы төлемей жүреді. Бұл туралы №1 автобус паркінің басқарма төрағасы Мадияр Тұқпатов айтты, деп хабарлайды
«Жолақы төлемей жүретін жолаушылардың саны көп. Қазір бағыттарда жүретіндердің 30-40%-ы жолақы төлемей жүреді. Оның салдарынан біз шығынға ұшырап жатырмыз. Біздің паркте 150 көлік бақылау департаменті қызметкері (тексеруші, бақылаушы – ред.) бар. Алдағы уақытта билет тексеретін қызметкерлердің санын 200-ге дейін жеткіземіз деп отырмыз. Біз бақылаушылардың арқасында табыс тауып отырмыз», - деді Мадияр Тұқпатов.
Бақылаушылардың міндеті - жолақының төленгенін қадағалау.
«Бақылаушылар автобусқа кіргенде ғана жолаушылар жолақысын төлей бастайды. Егер автобуста бақылаушы болмаса, онда төлем жоқ деген сөз. Сол себепті бақылаушылардың санын көбейтіп жатырмыз», - дейді автобус паркі басшысы. Оның айтуына қарағанда, ақы төлемеген жолаушыларға айыппұл салумен мәселе шешілмейді.
