Астана
-6.03°C
Астана
-6.03°C
Қазақстанда қаржылық алаяқтықпен күресу үшін кейбір ақша аударымдарын бұғаттайтын алаяқтыққа қарсы орталық ашылады.
Ұлттық банктің мәліметінше, алаяқтыққа қарсы орталық технологиялық алаң болмақ. Оған қаржы ұйымдары, құқық қорғау органдары, сондай-ақ ұялы байланыс операторлары қосылады.
Платформада нақты уақыт режимінде қаржы нарығы субъектілері арасында жалған транзакциялар, оның ішінде тиісті белгілері бар күдікті транзакциялар туралы деректер алмасылып отырады, – делінген хабарламада.
Орталық 22 шілдеден бастап жұмысқа кіріспек. Міндеті – азаматтардың ақшалай қаражатын жалған транзакциялардан қорғау, алаяқтық операцияларды дер кезінде анықтау және бұғаттау.
