Ақмола облысында ауыл тұрғыны ыстан уланып көз жұмды
Бүгін түнде Ақмола облысының Жаңақима ауылдық округіндегі жеке тұрғын үйлердің бірінен ер адамның мәйіті табылды, деп хабарлады Paryz.kz.
Фото: Ақмола обл. ТЖД-ның баспасөз қызметі
Облыстық ТЖД мәліметінше, жылыту пешінің ақауы салдарынан үйдің іші ыстанып, 50 жастағы ер адам көз жұмған. Алдын ала болжам бойынша ол көміртегі тотығымен уланған.
Сот-медициналық сараптамасы тағайындалды.
Оқиға орнында ТЖД қызметкерлері жұмыс істеп жатыр.
