Халықаралық іздеудегі қазақстандық қылмыскер Грузияда 21 жыл жасырынған

Солтүстік Қазақстанның тумасы Николай Павлюк Грузияда 21 жыл бойы жасырынып жүрген. Оны Интерпол және Ресей ІІМ колониядан қашып кеткеннен кейін іздеген, деп хабарлады paryz.kz.

Николай осы уақыт аралығында бірнеше елде болған. Тіпті, Солтүстік Қазақстанда басқа біреудің атымен өмір сүргені анықталды.

Павлюк 1974 жылы Солтүстік Қазақстан облысының Бескөл ауылында туған. Есейген кезінде Ресейге кетіп қалған. 90-жылдары ол қылмыс әлеміне тап болған. 20 жасында қарақшы болған және 1994 жылы тонау ісіне қатысқан.

Серіктестерімен бірге Павлюк Ростов тұрғындарының бірінің пәтеріне басып кіріп, олардан 100 миллион рубль, жазғы коттедж және КамАЗ көлігін талап еткен. Ер адамды ұрып-соғып, теледидар, магнитофон, зергерлік бұйымдар, қымбат әтір, аяқ киім мен киім ұрлап кеткен.

"Заң бойынша, Николай Павлюк 1995 жылы сот тағайындаған мерзімге қамалуы керек. Сондай-ақ оған қашқаны, жалған құжаттар жасағаны және тағы басқасы үшін жаңа сот отырысы өтеді", - делінген хабарламада.