Астана
-8.03°C
Астана
-8.03°C
Биыл жыл басында Қазақстан халқының саны 20 млн болды, бұл бір жыл бұрынғыдан 1,3%-ға артық. Халық саны бірте-бірте өсіп жатыр. Жыл сайын шамамен 1,3-1,5% өсім бар. Тек 2022 жылы — карантиннен кейінгі бэбибум жылы өсім 3,3% болған еді.
Ranking.kz мәліметінше, қазақстандықтардың басым көбі дәстүрлі түрде еліміздің оңтүстік аймақтарында — Алматы (2,2 млн адам, плюс жылына 3,1%), Түркістан (2,1 млн адам, плюс 1,1%) және Алматы (1,5 млн адам, плюс 1,7%) облыстарында тұрады.
Елордада 1,4 миллион адам бар.
Халық аз тұратын өңір — Ұлытау облысы: 221,6 мың адам — бір жыл бұрынғыдан 0,1%-ға артық. Одан кейін Солтүстік Қазақстан (530,1 мың адам) және Абай (607,6 мың адам) облыстары тұр.
12,5 млн адам — қалада (жылына плюс 2%), ауылда — 7,6 млн адам (плюс 0,3%) тұрады.
29 ақпандағы мәлімет бойынша елімізде Қазақстан есімді 24 адам тіркелген.
Оның ең көбі Ақмола облысында тұрады: 7 адам.
Астанада мұндай есімді тағы 5 адам, Қарағанды облысында 4 адам бар.
Сонымен қатар, Қазақстан есімді 3 адам — Қостанай облысында, 2 адам — Маңғыстау облысында, 2 адам — Шымкент қаласында, 1 адам — Батыс Қазақстан облысында тұрады.
Қазақстандықтардың ішінде 24 Астана, 20 Алматы және 3 Шымкент бар.
Сонымен қатар, Қазақстанда Семей атты 27 адам, Атырау есімді 15 адам, 15 Түркістан, 14 Тараз, 10 Ақтау, бір Ақтөбе, бір Талдықорған бар.
Саяси қайраткерлердің атын қою да дәстүрге айналған. Елімізде 12 Қасым-Жомарт, 1 Путин, 1 Трамп және 8 Байден тұрады.
Биылғы жылдың қаңтар айында Қазақстанда жиі қойылатын ең танымал есімдер Медина мен Әлихан болды.
Елімізде 517 Медина, 313 Әлихан бар.
Қыздардың есімі бойынша үздік бестікке Асылым (468 адам), Айша (436 адам), Айлин (387 адам) және Томирис (318 адам) кірді.
Ұл есімдерінің ішінде ең танымал бестікке Мұхаммед (305 адам), Айсұлтан (238 адам), Мұхаммад (231 адам) және Алдияр (219 адам) кірді.
