Алматы полициясы мектеп оқушысының зорлануына қатысты істі тоқтатты
Алматы полициясы қаладағы халықаралық мектептердің бірінде бірінші сынып оқушысы зорланды деген күдікпен қозғалған қылмыстық істі тоқтатты.
Фото: inform. kz
Қалалық полиция департаментінің мәліметінше, аталған факті бойынша қылмыстық істі тергеу қылмыс құрамның болмауына байланысты тоқтатылды.
«Зорлау фактісі сараптамалар мен мамандардың зерттеулерімен расталған жоқ. Қалалық прокуратура тергеу шешімімен келісті», - деп хабарлады Алматы полиция департаментінің баспасөз қызметі.
Былтыр қазан айында Алматы тұрғыны 1-сыныптағы баласының зорланғаны туралы мәлімдеме жасаған болатын.
