Бүгін тағы бір үшем дүниеге келді
Түркістан облысы Сарыағаш қаласының тұрғыны, 38 жастағы көпбалалы ана Гүлмира Даурбаева 3 қызды дүниеге әкелді. Сәбилердің салмағы – 2 келі, 2 300 және 1 900 грамм.
фото: egemen.kz
Ардақты анаға дәрігерлер кесарь тілігі арқылы ота жасап, босандырып алған. Қазір мерзімінен бұрын туған сәбилердің жағдайы қалыпша. Үшемге туыстары Әмина, Сабина және Медина деген есімдер қойған.
Гүлмира Даурбаеваның үшемнен басқа тағы 5 баласы бар. Сөйтіп, сарыағаштық ана 8 баланың анасы атанды. Мерзімінен бұрын дүние есігін ашқан сәбилерге жансақтау бөлімінің мамандары ерекше күтім жасаған.
