Талдықорған қаласының әкімдігі 160 млн теңгені негізсіз жұмсамақ болған
Жетісу облысының прокурорлары 160 млн теңге бюджет қаражатының негізсіз шығындалуына жол бермеді, деп хабарлады Paryz.kz.
Фото: Halyq Uni
Талдықорған қаласының әкімдігі жобалау-сметалық құжаттамаға аулаларды абаттандыру бойынша басқа объектілерді салу кезінде жеке құрылыс салушылар орындаған инженерлік желілерді (жылу трассасы, кәріз жүйелері) жүргізу бойынша шығыстарды қосқаны анықталды, – делінген прокуратура хабарламасында.
Қадағалау актісі бойынша жобалау құжаттарына көрсетілген сомалар мен жұмыстарды алып тастау арқылы түзетулер енгізілді.
Кінәлі тұлғалар тәртіптік жауапкершілікке тартылды.
