Алматыда жоғалып кеткен спортшы табылды
Алматыда жоғалып кеткен спортшы Серік Нұрқазов аман-есен табылып, туыстарына тапсырылды, деп хабарлайды Paryz.kz.
Фото: ПД
Боксшының жоғалып кеткені туралы деректі «Қоғам» жедел әрекет ету жасағының өкілдері жариялаған еді.
«Медеу аудандық полиция Басқармасы хабарлағандай, 1959 жылы туған С.Нұрқазов азамат аман-есен табылып, туыстарына тапсырылды», - деп хабарлады полициядан.
Бұған дейін Алматыда кеңестік кезеңнен танымал болған спортшы Серік Нұрқазовтың із-түзсіз жоғалып кеткенін жазған болатынбыз.
