Депутат «Артем» базарында ауыр жұмыс істейтіндердің жағдайын айтты

Депутат Дәулет Мұқаев Мәжілістің көшпелі отырысында елордадағы «Артем» базары маңайында ауыр жұмыс істейтін жалдамалы жұмысшылардың жағдайын айтты, деп хабарлайды Paryz.kz. 

Депутат «Артем» базарында ауыр жұмыс істейтіндердің жағдайын айтты
Фото: parlam.kz

Қауіпсіз еңбек дегенде біз тек зауыт, шахта, фабриканы ғана айтпай, мысалы, жалдамалы жұмысшыларды да айтуымыз керек. Олардың саны күн сайын артып келе жатыр. Алысқа бармай-ақ, мысалы, «Артемнің» (Астаналық базар – ред.) айналасында да ондай азаматтарымыз өте көп. Олар қомақты ақшаға ауыр жұмыстың бәрін істеп жүре береді, - дейді депутат.

Мұқаевтың айтуына қарағанда, жалдамалы жұмысшылардың денсаулығы, өмірі қорғалмаған.

Ол азаматтарымыздан заңды түрде «неге келісімшарт жасаспайсыздар» деп сұрасаң, көбінің шоты бұғатталған, төленбеген несие, оған қоса көп азаматта алимент мәселесі бар. Осындай мәселелерден қиналып жүрген азаматтарымыздың мәртебесі қорғалмаған. Осыны да ескеріп өтсек екен, - деп ұсынысын айтты Дәулет Мұқаев көшпелі отырыста.