Астана
-6.03°C
Астана
-6.03°C
Ұлытау облысы Жәйрем кентінің ауруханасында бюджет қаражатын жымқыру фактілері анықталды, деп хабарлады Paryz.kz.
Қаражал қаласы прокуратурасының мәлметінше, осы медициналық мекеменің екі есепшісі 2021-2022 жылдары ауруханада іс жүзінде жұмыс істемеген адамдарға («өлі жандар») 5,1 млн теңгені заңсыз аударған. Әрі қарай жымқырылған қаражатты олар өз пайдаларына жұмсаған.
Бұл факт бойынша Қылмыстық кодекстің 189-бабы («Сенiп тапсырылған бөтен мүлiктi иемденiп алу немесе талан-таражға салу») бойынша сотқа дейінгі тергеп-тексеру басталды. Қаражал қалалық сотының үкімімен (заңды күшіне енді) Жәйрем кенті ауруханасының бухгалтерлері кінәлі деп танылып, оларға бас бостандығын шектеу түріндегі жазалар тағайындалды (2 жыл және 3 жыл 6 ай мерзімге), – делінген прокуратура хабарламасында.
Қазір атқарушылық іс жүргізу қозғалып, мемлекетке келтірілген залалды өтеу бойынша шаралар қабылданып жатыр.
