Атбасар қаласында ауыл шаруашылығы жәрмеңкесі өтті

Жәрмеңкеге  ет және сүт өнімдерінің кең ассортименті, көкөністер, бал, картоп, және т.б. қойылды.  Қалалықтар жаңа піскен және сапалы өнімді нарық бағасынан 15-20 пайызға арзан сатып алу мүмкіндігіне ие болды. Бұл жәрмеңкеге облыстың ауылшаруашылық тауар өндірушілері қатысты.

Атап айтқанда,  «Шуйское XXI» ЖШС, «Бастау» ЖШС, «Сепе 2012» ЖШС, «Аграрное» ЖШС, «Новосельское» ЖШС, «Полтавка 2» ЖШС, Абдуалиев ЖШС, «Самара 1» ЖШС және т.б.

Жәрмеңкеде 750 кг  жылқы еті, 1250 кг сиыр еті, 240 кг қой еті, 400 кг шошқа еті, 120 кг құс еті, 5 тонна картоп, сүт өнімдерінің үлкен ассортименті сатылды.

Қала тұрғындары мен қонақтарына ұсынылған жылқы етінің 1 килограмының  құны 2400 теңгеге, сиыр еті 2200 теңгеге, қой еті 2100 теңгеге, пияз 75 теңгеге, қырыққабат 90 теңгеге бағаланды.

«Мұндай жәрмеңкелердің жиі ұйымдастырылатыны  ұнайды. Өте тиімді. Аз-кем болса да, төмен бағада керек азық-түлігімізді сатып аламыз. Өнім сапасына көңіліміз толады», - дейді қала тұрғындары. 

Еске салсақ, облыс әкімі Марат Ахметжанов аудандарға алғашқы сапарын дәл осы Атбасардан бастаған еді. Онда аймақ басшысы астық жинау науқанының түйткілді мәселелері бойынша облыстың ауыл шаруашылығы құрылымдарының басшыларымен кездесті. 

Осы кеңестің қорытындысы бойынша облыс әкімінің өкімімен облыс әкімінің бірінші орынбасары Е.М.Рамазановтың төрағалығымен жұмыс тобы құрылып, оның құрамына прокуратура, сыбайлас жемқорлыққа қарсы қызмет, полиция департаменті, полиция палатасының өкілдері кірді. кәсіпкерлер, АӨК аумақтық инспекциясы, азық-түлік корпорациясы, «Көкше» ӘКК, облыстық мәслихат депутаттары егін жинау процесінің түйткілді мәселелерін шешуді тапсырды. Осындай жұмыс топтары облыстың басқа да  өңірлерінде  құрылды.

Дәл осы күні Атбасардағыдай жәрмеңке Көкшетауда да өткізілді. Мұнда да халыққа ұсынылған өнім бағасы нарық бағасынан 15-20 пайызға арзан сатылды. Облыс орталығындағы жәрмеңке Бурабай ауданында дүниеге келген еліміздің 20 млн-шы тұрғынының құрметіне арналды. 

Бұл күні Біржан сал, Шортанды, Бурабай, Бұланды, Зеренді, Ақкөл, Астрахан, Сандықтау аудандарынан келген ауыл шарушалығы тауарларын өндірушілер жалпы құны 82 млн теңгенің 81 тонна өнімін сатылымға шығарды.

Сондай-ақ Көкшетау қаласының тауар өндірушілері және  «Kokshe» әлеуметтік-кәсіпкерлік корпорациясы да өз өнімдерін ұсынды.  Атап айтсақ, 12 тоннадан астам картоп, 8,5 тоннадан астам ұн, 6,5 тоннаға жуық сүт,  0,5 тонна жаңа піскен балық, 250 мың дана жұмыртқа және сүт өнімдері, үш тоннаға жуық көкөніс және басқа да өнімдер. Сиыр еті 2300 теңгеден, жұмыртқа 45-47 теңгеден сатылды.

Айта кетейік, Ақмолалықтар үшін жыл басынан бері барлығы 250-ден астам ауыл шаруашылығы жәрмеңкесі өткізілді. Ал  облыс  бойынша бағаны тұрақтандыруға 4,3 млрд теңге бөлінді,  азық-түлік қоры 5 мың тоннадан астам, оның ішінде тұрақтандыру қорында 500 тоннадан астам өнім бар. Сондай-ақ аймақта бағаны қолжетімді ету үшін  тауар өндірушілермен және сауда нүктелерімен келісімшарттар жасалады. 

 Автор: Айгүл Мырзағалиқызы