Павлодар облысында 253 адам алименттен қашып жүр

Polisia.kz мәліметінше, Павлодар облысының полициясы алимент төлемейтіндердің орналасқан жерін анықтау жұмыстарына ерекше назар аударады. Кәмелетке толмаған балаларының алдында алимент бойынша берешегі бар ата-аналардың орналасқан жерін анықтау бойынша рейдтік іс-шаралар жүргізіліп жатыр.

Қабылданған шаралардың нәтижесінде полиция алимент төлеуден жалтарған 253 адамды анықтады. Мысалы 12 қарашада Павлодар қаласында патрульдік полиция батальонының инспекторлары алимент өндіріп алу туралы істер бойынша мемлекетаралық іздеуде жүрген екі алимент төлемейтін адамды ұстады. Ер адамның бірі 1 млн теңгеден астам қарыз болса, екіншісінің қарызы шамамен 2 млн теңгені құрайды. Павлодарлықтар одан әрі істі талқылау үшін полиция бөліміне жеткізілді, – дейді Павлодар облысы полиция департаментінің баспасөз қызметі.

Тәртіп сақшылары ата-аналар балаларына қамқорлық жасауы керек екенін айтады. Екі тарап екі ересек адамның қарым-қатынасында балалар зардап шекпеуі керек екенін түсінуі керек.