Үшеуі – ұл, екеуі – қыз бала: Еліміздің 20 миллионыншы азаматтары кім екені белгілі болды
Қазақстан халқының саны 20 миллионға жетті, деп хабарлайды Paryz.kz.
Фото: Baq.kz
Ұлттық статистика бюросының деректеріне сәйкес, 2023 жылғы 14 қарашада Қазақстан Республикасының халық саны 20 миллион адамға жетті.
Еліміздің 20 миллионыншы азаматтары 2023 жылғы 14 қарашада таңғы сағат 8.10-да дүниеге келген 5 бала болды.
Олар Ұлытау, Жетісу, Атырау, Ақмола және Түркістан облыстарында дүниеге келді. Олардың үшеуі – ұл, екеуі – қыз бала.
1991 жылы Қазақстан Республикасының халық саны 16,4 млн. адамды құрады. Тәуелсіздік жылдарында ел халқы 22,3%-ға өсті.
