Атырау облысында жүргізуші қарсы бағыттағы көлікке соғылып, бір адам қаза тапты
26 қазан күні сағат 12:40 шамасында республикалық маңызы бар Ақтөбе-Атырау-Астрахань тас жолының 794 шақырымы тұсында 1979 жылы туған азаматтың басқаруындағы «УАЗ» автокөлігі қарсы бағыттағы маркасы «DAF XF» автокөлігіне соғылды, деп хабарлайды Paryz.kz.
Фото: видеодан скриншот
Атырау облыстық полиция департаменті хабарлағандай, нәтижесінде маркасы «УАЗ» автокөлігінің 1980 жылы туған жолаушысы түрлі дене жарақаты салдарынан қаза тапты. Қазіргі уақытта тиісті іс-құжаттар жинақталып жатыр.
Сондай-ақ, «УАЗ» автокөлігінің жүгізушісіне Атырау облысы ПД патрульдік полиция ротасының қызметкерлері жол қозғалысы ережелерін қатаң сақтау керектігін ескерткен, алайда көлік жүргізушісі жасалған ескертулерге қарамастан жол апатының орын алуына себепші болғаны анықталды.
