Елімізде Республика және Қазақстан есімді қанша адам бар?
Ұлттық статистика бюросы елде Қазақстан және Республика есімді қанша адам бар екенін хабарлады.
фото: Halyq uni
Стратегиялық жоспарлау және реформа агенттігі Ұлттық статистика бюросының мәліметінше, Қазақстанда Республика есімді адам жоқ.
Бірақ Казахстан немесе Қазақстан деген есім 31 адамға қойылған. Олардың бірі – әйел, қалғаны – ер. Олардың 8-і Ақмола облысында, 7-еуі Қарағанды облысында, 5-еуі Астанада, 3-еуі Қостанай облысында, 2-еуі Шымкент пен Маңғыстау облысында тұрады. Ақтөбе, Алматы, Батыс Қазақстан және Павлодар облыстарында бір-бірден.
