Шығыс Қазақстанда заңсыз жұмыс істеген тай массажистері ұсталды
ШҚО-да заңсыз жұмыс істеген тай массажистері ұсталды, деп хабарлайды Paryz.kz ІІМ баспасөз қызметіне сілтеме жасап.
Заңсыз иммигранттар сауықтыру массажы қызметімен айналысқан.
Полицейлер «Заңсыз келуші» жедел-профилактикалық іс-шарасы барысында рұқсат құжаттарынсыз еңбек қызметін жүзеге асырған Таиландтың үш азаматын анықтады.
«Қазіргі уақытта шетелдіктер ҚР ӘҚБтК-нің 517-бабы 5-бөлігімен (Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы) әкімшілік жауапкершілікке тартылды. Заңсыз мигранттарды жұмысқа қабылдаған жұмыс беруші де 30 АЕК көлемінде айыппұл салу түріндегі әкімшілік жауапкершілікке тартылды», – деп атап өтті ШҚО ПД көші-қон басқармасының бастығы Жеңісқанов Нұрлан.
Үш күн ішінде «Заңсыз келуші» ЖПІШ кезінде көші-қон заңнамасын бұзған 100-ден астам адам әкімшілік жауапкершілікке тартылды.
