Алматы дүкенінде бойжеткеннің төсіне қол жүгірткен ер адамның кім екені белгілі болды
Алматы полициясы азық-түлік дүкендерінің бірінде бойжеткеннің кеудесінен ұстап алған ер адамның жеке тұлғасын анықтады, деп хабарлайды Paryz.kz.
Фото: видеодан скриншот
«Бостандық аудандық полиция бөлімінің мәліметінше, ер адамның жеке басы анықталды. Ол Атырау қаласының тұрғыны болып шықты», - деді Алматы қалалық ПД ресми өкілі Салтанат Әзірбек.
Полиция өкілдері ҚР ӘҚБтК-нің 434-бабы бойынша іс материалы соттың қарауы және одан әрі шешім қабылдау үшін ер адамның Атырау қаласындағы тұрғылықты жеріне жіберілгенін мәлімдеді.
Еске салайық, желідегі бейнежазбада Алматыда азық-түлік дүкенінде белгісіз ер адамның өтіп бара жатқан бойжеткеннің кеудесіне қол жүгірткен сәті тараған болатын.
