Назарбаевтың «эксклюзивті бірінші көлігі» 222 миллион теңгеге сатылып жатыр

"Нағыз антиквариат және тарих! Германиядағы зауытта арнайы тапсырыспен жасалған. Mercedes мемлекет басшыларының жоғары лауазымды тұлғаларына көлік құрастырған! Өзге фирмаларының қорғаныс құрылғыларымен жабдықталған көліктерден айырмашылығы, бұл көлік зауыттан шыққан", – делінген хабарламада.

Осыған ұқсас Mercedes S600 Guard Грузияның экс-президенті Эдуард Шеварнадзенің өмірін сақтап қалды деп атап өтілген.

"Оның көлігіне гранаталар мен ауыр пулеметтер атылды, бірақ президент зардап шеккен жоқ", – делінген хабарламада.

Сонымен қатар, сатушының айтуынша, Ресей президенті Владимир Путиннің дәл осындай көлігі жеке тұлғаға 1,3 миллион еуроға сатылған.

"Көлік Калашников автоматы мен мерген мылтықтарынан оқ атуға төтеп бере алады. Бронды капсула сонымен қатар жарылғыш құрылғының жарылуынан тікелей түбінің астында 4 кг тротил эквивалентімен қорғайды. Сондай-ақ, өрт сөндіру жүйесі бар (жүргізуші мен артқы жолаушы жағындағы түйме). Бензин багының атылуынан қорғаныс бар – арнайы дизайнның арқасында оқ тесіктері өздігінен тартылады. Дөңгелектерге оқ атылған жағдайда да, қуғыннан құтылуға мүмкіндік беретін қосымша жиек бар. S600 күзетілетін адам үшін  үшін өте ыңғайлы", - делінген хабарландыруда.

Сатушының айтуынша,"Mercedes S-Guard зауыттық броньды машиналарына ондаған жылдар бойы VIP-адамдардың көпшілігінің таңдауы түсті".

"Мұндай көлік қанша тұрса да, адам өмір әлдеқайда қымбатырақ. Мұндай жағдай өмірде бір-ақ рет болады, оның [Нұрсұлтан Назарбаевтың] жалғыз көлігі жеке тұлғаның меншігінде болады ", - дейді автор.

Сатушы автокөлік Таразда екенін айтты.