Бауыржан Байбектің әкесіне 51 мың теңге айыппұл салынды
Астана қаласының Әкімшілік құқықбұзушылық істері жөніндегі мамандандырылған ауданаралық соты Алматы қаласының экс-әкімі, «Нұр Отан» (қазіргі AMANAT) партиясы төрағасының бірінші орынбасары қызметін атқарған Бауыржан Байбектің әкесі Қыдырғали Байбекке қатысты үкім шықты, деп хабарлайды paryz.kz. Massaget.kz сайтына сілтеме жасап.
Бауыржан Байбектің әкесі Қыдырғали Байбек кінәлі деп танылды.
Оған лицензиясыз кәсіпкерлік немесе өзге де қызметпен айналысқаны үшін 51 мың 750 теңге айыппұл салынды.
Еске салайық, бұған дейін Бауыржан Байбектің әкесіне сотта бірден екі айып тағылғанын хабарлағанған болатынбыз.
Қазақстан Республикасының Әкімшілік құқықбұзушылық туралы кодексінің 319-бабында көзделген әкімшілік құқықбұзушылықты жасағаны үшін Қ.М. Байбекке қатысты іс өндіріске қабылдансын, - делінген сот қаулысында.
Әкімшілік құқықбұзушылық туралы кодекстің 319-бабында тиіс жерге құқықсыз өндірістік, тұрғын үй, шаруашылық, гидротехникалық (су шаруашылығы) немесе шаруашылық-тұрмыстық объектілерді заңсыз салу анықталған. Баптың санкциясы заңсыз салынған және құрылысты мәжбүрлеп бұзумен немесе айыппұл салуды қарастырады.
ӘҚБтК-нің 463-бабының 1-бөлігі-бұл кәсіпкерлік немесе өзге де қызметпен айналысу, сондай-ақ, тіркеусіз, рұқсатсыз әрекеттерді (операцияларды) жүзеге асыру, сол сияқты, егер бұл әрекеттерде қылмыстық жазаланатын іс-әрекет белгілері болмаса, хабарламаны тіркеу, рұқсат беру, жіберу міндетті болған жағдайларда хабарламаны жібермеу. Баптың санкциясы әкімшілік құқықбұзушылық жасау заттары мен құралдарын тәркілей отырып айыппұл салуды көздейді.
«Вечерняя Астана» басылымының мәліметінше, Қыдырғали Байбек - Алматы қаласының экс-әкімі Бауыржан Байбектің әкесі. Басылым Байбектің теміржолшы болғанын көрсетеді. Кейінгі жылдары зейнеткерлікке шыққанға дейін «Алматы қаласы бойынша жолаушыларды тасымалдау» КМК бастығының орынбасары қызметін атқарды.
Айта кетейік, былтыр 2 ақпанда Бауыржан Байбек «Нұр Отан» партиясы төрағасының бірінші орынбасары қызметінен кеткенін мәлімдеген болатын.
